LAPU-LAPU CITY, CEBU- Gilusad sa Lapu-Lapu City Jail – Female Dormitory ang “Tagabantay Ko, Dalaw Ko” nga programa, niadtong September 5,2025.
Kini nga inisyatiba alang sa pagpalambo sa mental ug kaayohan sa Persons Deprived of Liberty (PDLs.
Gipasiugdahan ang programa ni Acting Warden JSINSP Ivy Christine T. Manigos, nga nag-ila sa emosyonal nga pakigbisog nga giatubang sa mga PDL nga wala gibisita sa ilahang pamilya o mga higala.
Ang kakulang sa mga bisita kasagarang mosangpot sa mga pagbati sa kamingaw, depresyon, ug pag-abandonar, nga mahimong negatibong makaapekto sa ilang mental ug emosyonal nga kahimsog.
Pinaagi sa “Tagabantay Ko, Dalaw Ko” program, ang mga piniling jail personnel gitahasan nga magsilbing bisita o “dalaw” sa mga PDL nga walay kanunay nga mobisita kanila.
Kining yano apan epektibo nga pamaagi nagsiguro nga ang matag PDL mobati nga gihinumdoman, gipabilhan, ug gisuportahan.
Pinaagi sa pagpalambo sa pagbatI ug koneksyon, ang programa nagtumong sa pagbayaw sa mga espiritu sa mga PDL ug positibo nga makatampo sa ilang emosyonal ug psychological nga kaayohan sa ilang panahon sa kustodiya.
