Nanghinaot ang buhatan sa Regional Tripartite Wages and Productivity Board 7 nga makatabang ang P39 nga pagtaas sa adlaw-adlaw nga minimum wage alang sa mga private sector workers sa Central Visayas.
Kini ang gipaambit ni Atty. Evita Mendoza-Balane, ang Board Secretary sa RTWPB-7 atol sa pakighinabi sa Bombo Radyo Newsteam nga ang pag-abrobar sa minimum wage gikan sa P501 ngadto sa P540 kada adlaw, diin epektibo sugod sa Oktubre 4, 2025 kay nagtinguha nga makapalit na ang mga empleaydo sa ilang mga panginahanglan.
Dugang pa niini nga gi-balanse usab sa board ang maong umento diin gikonsiderar nga dili maglisod og bayad ang mga employers.
Ingon man nga gilantaw usab ang laing factors sa pag-umento sa suholan diin lakip niini ang economic situation sa rehiyon, ang inflation apan ang gitutukan gayud kay ang gitawag nga poverty threshold ug average wage.
Ang pagsaka sa sweldo usa ka dakong kalampusan alang sa mga trabahante sa rehiyon, ilabi na sa panahon karon nga nagpadayon gihapon ang pagtaas sa presyo sa mga palaliton ug serbisyo.
Gipasabaot usab ni Atty. Juan dela Cruz, chairman sa RTWPB-7, nga ang desisyon basi sa mga datos og rekomendasyon gikan sa mga sectoral representatives, lakip ang mga empleyado ug employers, aron matubag ang panginahanglan sa mga trabahante.
Ingon man nga niawhag ang buhatan sa mga employers sa Central Visayas nga magpatuman dayon sa bag-ong minimum wage aron malikayan ang mga reklamo ug penalty.
