Gipatawag ni Gobernador Pamela Baricuatro ang mga kadagkoan sa nagkadaiyang departamento sa Kapitolyo alang sa usa ka emergency meeting.
Lakip sa meeting ang kadagkuan sa Provincial Disaster Risk Reduction and Management Office nga maoy nangulo sa diskusyon hilabi na sa posibleng panghitabo sa pagkuso-kuso ni Opong, ug laing sakop usab sa Provincial Social Welfare and Development Office kauban ang mga sakop sa Cebu People’s Action Center aron sa pag-andam sa mga hinanaling hinabang sa mga apektado.
Nakiglambigit usab ang mga kadagkuan sa mga kapulisan alang sa mga diskusyon ug paghatag og updates sa nagpadayon nga koordinasyon nga mga paningkamot nga gihimo sa kapulisan.
Gihimu-atan usab ni Gobernador Baricuatro ang kamahinungdanon sa pagkaandam, pagsalig sa kahitas-an aron mahalikay sa kadaot.
Mipahinumdom usab sa publiko, ang Kagamhanan sa Probinsiya sa Sugbo ilabina niadtong naa sa amihanang Sugbo, nga magpabiling alerto, mosunod sa mga opisyal nga advisory, ug mag-amping aron masiguro ang ilang kaluwasan.
