Pormal na nga nanumpa si Archbishop Alberto “Abet” Uy, isip bag-ong gi instalar nga Arsobispo sa Metropolitan Archdiocese of Cebu, kagahapon, adlawng Dominggo, Septiyembre 28, 2025.
Gipahigayun ang pagpanumpa sa bag-ong Arsobispo didto mismo sa Shrine of San Pedro Calungsod sa sulod sa Cebu Archbishop Compound.
Atol sa gipahigayung oath of profession gipakita usab sa Archdiocese ang bag-ong “coat of arms” ni Archbishop Abet Uy, diin nakasimbolo kini sa mission sa arsobispo sa serbisyo ug pagtou.
Samtang, gipadayag usab ni Archbishop Abet Uy, ang kalipay niini sa mainitong pagsugat sa mga Sugboanon ug mibutyag nga paningkamotan niini nga bisitahon ang nagkada-iyang Division sa Archdiocese of Cebu, human sa iyang ceremonial assumption of office sa umaabot adlawng Martes Septiyembre 30, 2025.
Aduna usab ipahigayung mga aktibidadis si Archbishop Abet Uy, karong adlawa sama sa; Tree Planting, Feeding Program, Veneration ug uban pang mga nakalatid nga aktibidadis sa unang mga adlaw ni Uy isip Arsobispo.
Si Archbishop Abet Uy, ang ika-limang Arsobispo sa Metropolitan Archdiocese of Cebu, nga gikan sa Talibon, Bohol.
