Mipadayag og suporta sa plano ni US President Donald Trump, ang Punong Ministro sa Israel nga si Benjamin Netanyahu nga tapuson ang gubat sa Gaza.
Personal nga mibisita sa White House, si Netanyahu, diin siya miingon nga ang desisyon usa ka kritikal nga lakang sa pagtapos sa gubat ug pagkab-ot sa kalinaw sa Middle East.
Gipasalamatan ni Trump si Netanyahu human niya gidawat ang iyang plano.
Andam usab si Trump nga mangulo sa usa ka transisyon nga “Board of Peace” para sa Gaza.
Nagtuo usab si Trump nga ang Hamas motubag usab sa mga kondisyon nga iyang gitakda alang sa pagtapos sa panagbangi.
Lakip sa mga plano mao nga ang Gaza temporaryo nga pangunahan sa usa ka “technocrat government” ug ang Israel dili tugutan nga mag-okupar niini.
Walay mobiya sa Gaza tungod kay tukoron kini pag-usab ug kung dawaton ang plano, mahunong dayon ang gubat ug sulod sa 72 ka oras buhian ang mga binilanggo.
Hatagan usab og amnestiya ang mga sakop sa Hamas nga motuman sa kasabutan samtang ang oposisyon hatagan og higayon nga makabiya ug makaadto sa mga nasud nga modawat kanila.
Sa pikas bahin, mohatag usab og seguridad ang Regional at International forces ug ilang bansayon ??ang Palestinian police samtang tanang hinabang makuha ngadto sa Gaza.
