Kapin sa 1,000 ka silver ug gold coins ang nakit-an sa usa ka grupo sa mga specialist divers sa usa ka bahin sa kadagatan nga giilang “Treasure Coast”.
Gituohan nga kini gihimo sa mga kolonya sa Espanya sa Bolivia, Mexico ug Peru – ug padulong sa Spain sakay sa usa ka panon sa mga barko nga nagdala usab og mga alahas kaniadtong 1715.
Apan giingung ang bililhong mga kabtangan nayabo sa dagat sa dihang gikusokuso sa bagyo ang flotilla.
Dili kini ang una nga nadiskobrehan sa Treasure Coast, tungod kay ang mga bulawan nga sensilyo nga nagkantidad og milyon-milyon nga dolyar nadiskobrehan sa mga salvager ug hunters sa pipila lang ka tuig milabay.
Ang nakapahimo niining espesyal nga paghakot mao nga ang mga petsa ug mga marka sa mint makita gihapon sa pipila ka mga sensilyo nga makita sa ting-init – usa ka bililhong resources alang sa mga historyador.
Matud sa mga eksperto sa mga bulawan, nga ang nakapadani ug nakapabililhon niini dili ang balur niini apan ang isturya nga nalatid niini sa kasaysayan.
