Hinay-hinay nga nag-uswag ug anaa na sa “process of recovery” ang mga residente sa Bogo City, Cebu taliwala sa makalilisang nga panghitabo niadtong Setyembre 30 sa gabii, diin gitay-og ug gitukaw ang ilang hapsay nga kagabhion sa 6.9 magnitude nga linog.
Gikabutyag sa pangu sa Bogo, Cebu nga si Maria Ceilo “Mayel” Martinez nga anaa na sa “process of recovery” ang syudad nga gikasakopan niini, ingun man nga magpabiling hagit matod niya ang maong linog nga ang epicenter mao ang syudad nga iyang giserbisyoan.
Sa ekslusibong pakighinabi sa Bombo Radyo Cebu team kang Mayor Martinez, iyahang naasoy nga ang sitwayon under control na ug padayon usab ang search and rescue retrieval operation nunot sa recovery nga proseso nga giatubang niini.
Dugang pa niya nga nabalik na 100% ang ang trabaho sa Local Government Unit (LGU’s) busa nanghinaot siya nga ubay-ubay ang assistance nga madawat nila aron sa pag-abag sa pag apod-apod, pag-deliver, pagdistribute ug pagpamutos sa mga hinabang ngadto sa nagkadaiyang barangay sa syudad sa Bogo.
Gitataw usab ni Martinez nga dili dayun anha sila makabangon sa maong trahedya, ug gibana-bana niini nga lapas pa sa tuig yuna sila maka “fully recover” busa sa pagkakaron, nag-obserbar usa sila og “small, medium, ug long term goals” aron hingpit sila nga makahaw-as sa kalisud nga giatubang sa maong syudad.
Sa laing bahin, naasoy usab sa maong mayora ang pasiunang hinabang nga natunol sa mga biktima sa maong linog mao ang paghan-ay sa mga hinabang ilabi kadtong mga pamilya nga aduna gayuy nakalas nga kinabuhi, ug gipasiguro ang andam sila motabon sa tanang mga gastoanan, ilabi na nga nag abutay ang assistance nga ilang nadawat gikan sa mga pipila ka Senador, OVP, ug kang Cebu Governor Pamela “Pam” Baricuatro.
