Nisagop og resolusyon ang House of Representatives nga nagpadayag sa ilang lawom nga pahasubo, kaluoy, ug dili matarug nga pakighiusa sa mga biktima sa magnitude 6.9 nga linog nga miigo sa Sugbo ug silingang mga lalawigan niadtong Setyembre 30.
Misanong ang mga magbabalaod ubos sa House Resolution (HR) 325, sa mandato ni House Speaker Faustino “Bojie” Dy III, Deputy Majority Leader Ferdinand Alexander Marcos, ug 4Ps Party-list Rep. Marcelino Libanan sa panawagan ni Presidente Ferdinand R. Marcos Jr. alang sa emergency funds aron matabangan ang mga lugar nga naguba sa kusog nga linog.
Giila sa HR 325 ang mga direktiba ni Presidente Marcos sa tanang hingtungdan nga ahensya sa gobyerno nga miapil sa rescue, medical, ug relief operations.
Personal nga gipasalig ni Presidente Marcos ang mga biktima sa hingpit nga suporta sa gobyerno, lakip na ang tabang diin dili lamang alang sa pagbawi kondili alang usab sa mga paningkamot sa pagtukod pag-usab.
