Nigamit na ang Georgian riot police og pepper spray ug water cannons aron pugson ang mga nagprotesta nga mapahilayo sa palasyo sa presidente gahapong adlawa samtang ang oposisyon nagpahigayon og dakong demonstrasyon sa adlaw sa municipal elections.
Matud sa Georgian Dream Party nga nakadaog kini sa matag munisipyo sa tibuok South Caucasus nga adunay 3.7 milyon ka mga tawo sa usa ka eleksyon nga gi-boycott sa duha ka pinakadako nga opposition blocs.
Sa wala pa magsira ang mga botohan, usa ka grupo sa mga demonstrador ang misulay sa pagpugos sa pagsulod sa palasyo sa presidente sa kaulohan sa Tbilisi.
Diin giingon sa usa ka saksi nga human nanawagan ang oposisyon alang sa usa ka “malinawon nga rebolusyon” batok sa GD, nga ilang giakusahan nga pro-Russian ug authoritarian kay nibutho dayon ang kagubot.
Gikutlo sa Health Ministry sa Georgia, nga 21 ka miyembro sa seguridad ug unom ka mga demonstrador ang nasamdan sa mga panagsangka sa sentro sa Tbilisi.
