Gihatagan ni US President Donald Trump og “go-ahead signal” alang sa deployment sa 300 ka National Guardsmen sa Chicago human gipusil ug gipatay sa federal agent ang usa ka motorista niadtong Sabado, Oktubre 4 (oras sa Amerika).
Sumala sa White House nga ang lakang mao ang pagpanalipod sa mga federal official ug sa publiko taliwala sa nagkataas nga tensyon sa maong syudad.
Samtang, ang usa ka federal judge sa Portland, Oregon, nag-isyu sa usa ka temporaryo nga restraining order batok sa plano ni Trump nga magpadala mga tropa sa ilang dapit.
Ang US District Judge nga si Karin Immergut miingon nga ang mga pag-angkon sa presidente bahin sa Portland nga “war-ravaged” nga syudad wala gisuportahan sa ebidensya.
Gikumpirma sa Department of Homeland Security nga ang pagpamusil nahitabo human sa mga tensyon tali sa mga federal agents ug usa ka motorista nga armado og semi-automatic rifle.
Sumala sa ahensya, ang mga federal agents giingong nagpabuto sa mga motorista nga nabangga sa ilang mga sakyanan.
