Gisugyot ni Senador Alan Peter Cayetano ang posibilidad sa snap elections alang sa mga posisyon sa Presidente, Bise Presidente, senador, ug mga kongresista, taliwala sa iyang giingon nga nagkadako nga kakuwang sa pagsalig sa katawhan sa nasudnong kagamhanan.
Sa usa ka pahayag sa iyang Facebook page sa katapusan sa semana, si Cayetano miingon nga samtang ang mga politiko adunay tinuod nga mga tigsuporta, apan karon kay daw labaw pa silang giisip nga mga suspek sa anomaliya sa flood control.
Matud ni Cayetano nga ang katawhan nawad-an na og pasalig sa mga opisyal sa gobyerno og walay makabasol kanila tungod sa halapad nga pagpangawat sa kagamhanan.
Gipasiugda niya nga ang tinuod nga pagbag-o nagsugod sa radikal nga pagkamatinud-anon ug kaisog sa pag-angkon kung oras na sa pag-resign sa mga opisyal.
Ang sugyot niabot taliwala sa mga imbestigasyon sa giingong korapsyon sa flood control projects, diin si Presidente Ferdinand “Bongbong” Marcos Jr. miingon nga 20% sa P545-billion nga budget naabot lang sa 15 ka mga contractor nga butang nga iyang gitawag nga “disturbing.”
Gipadayag usab ni Marcos ang iyang tuyo nga patubagon ang mga nalambigit, hinungdan sa pagsugod sa usa ka bulag nga imbestigasyon sa duha ka balay sa Kongreso.
Dugang pa, giporma ang Independent Commission for Infrastructure aron tukion ang maong isyu.
