Mas gipahugtan karon ang lakang sa dakbayan sa Sugbo nunot sa pagdagsa mga manlilimos karong tungura.
Matod pa, ang mga lakang nga i-implementar magbasi sa ordinansa sa sa Anti-Mendicancy ordinance nga gikinahanglan nga sutaon usa kung kinsa gayud ang lehitimong mga mendican.
Sa ekslusibong pakighinabi sa Bombo Radyo Cebu team kang John Ryan Lumayag ang bag-ong Executive Director sa Cebu City Anti-Mendicancy, iyang gikabutuyag nga ubos sa ordinansa ang naglangkob sa Anti-Medicancy mao kadtong mga indibidwal nga walay visible o legal nga pangalan igo’g suporta nga dili sila makakita og trabaho, ug mas gipili ang pagpangayo og kwarta sa nagkadaiyang kadalanan.
Giklaro usab niya nga isip bag-ong Executive Director, nakig meeting siya sa nagkalain-laing offices nga makatabang niini susama sa DMDP, kay ang tumong niini mao ang hingpit nga pagputol ug pagsugpo sa mga kalihokan sa pagpanglimos ilabi na nga sa namatikdan nila, baskog ug dakog lawas kasagaran ang mag sige og suroy-suroy sa dalan, ug usab ubos kini sa mando ni Cebu City Mayor Nestor Archival.
Gitataw ni Lumayag nga basi sa gikibutayag ni Mayor Archival, papangitaan og program kini nga mga indibidwal aron makutluan ang ilahang na andan nga pagpangayo.
Samtang atol sa pagdawat ni Lumayag sa iyang bag-ong designasyon, nipahigayon dayun kini og site visit subay gihapon sa mando sa Mayor sa Sugbo, ug nasaksihan niini ang ubay-ubay nga mga badjao, menor de edad, ug lakip na ang mga hamtong nga makit-an sa nagkalain-laing bahin sa kadalanan.
Iyahang gikompirmar nga karong sing-abot na ang pasko ug dakong festival sa Sugbo, nagkatag na usab ang mga mendican ug diri iyahang gikabutyag nga aduna siyay nahimamat nga usa gayud ka badjao nga nitug-an nga nag- gikan pa kini sa Zamboanga, nisakay lang sila og barko pa ingun sa Sugbo kay matod pa hapit na ang pasko ug ari nila buot nga mangayo og kwarta sa kadalanan nga gikonsiderar na nila nga “source of income.”
Gihimug-atan ni Lumayag nga aron hingpit nga mapatuman ang programa sa City Ordinance, nipahigayon kini og public information
nga nagtumong sa pagpahibaw sa katawhan nga bawal ang paghatag ngadto sa mga manglilimos, kay kung ugaling mohatag ang usa ka indibidwal ug ma aktohan, ma-penalized kini sa mga kantidad nga P300 alang sa first offense, P500 second offense, ug P1000 sa third offense, apan, gitataw niya nga kung dili mobayad sa mga offenses nga napahamtang, pasakaan kini og kaso sa City Legal office.
Samtang sa ikaduhang lakang niini mao ang pagmando sa enforcement personnel niini sa pagpamadlong sa kung si kinsa ang mga nangayo og papaulion sa ilang gigikanan, apan kung dili madala, ipa-rescue kini ug itugyan sa DSWS ang mga dinakpan.
Diin, kung menor de edad ug mga tiguwang ang dinakpan i-turn over kini sa DSWS, apan kung 18 anyos pataas, mapriso kini sulod sa 10 ka adlaw sa first offense, 20 ka adlaw sa second offense, ug usa ka buwan alang sa third offense subay sa City Ordinance.
