Gihimo ni Department of Social Welfare and Development (DSWD) Secretary Rex Gatchalian ang usa ka walk-tour sa Visayas Disaster Resource Center (VDRC) nga anaa nahimutang sa Barangay Tingub, Mandaue City, Cebu atol sa iyahang pagbisita, aron personal nga susihon ang kahimtang sa padayon nga relief operations sa DSWD Field Office-VII, kagahapong adlawa, Oktobre 6, 2025.
Sa maong inspeksyon, gisusi ni Secretary Gatchalian ang kahimtang sa mga relief goods ug ang operasyon sa pag-repack sa food packs nga ipang-apod-apod sa mga apektadong lugar sa rehiyon human niigo ang 6.9 magnitude nga linog niadtong Setyembre 30, ug kini matod niya ubos sa mando ni Presidente Ferdinand Marcos Jr.
Samtang, karong adlawa, gipahigayon na ang ilahang panagpulong nga gilangkuban sa tanang local executives ug usab si Cebu Governor Pamela “Pam’ Baricuatro aron magsusi-susi ilabi na sa hisgutanan kabahin sa “transport of relief goods” nga nakasinati og hinay ngadto na sa bug-at nga dagan sa trapiko a ingun sa Amihanang bahin sa Sugbo.
Anaa usab sa Syudad sa Bogoo sila si 4th District Sun Shimura, 5th District Vincent Franco, Regional Director Shalaine Marie S. Lucero, Daanbantayan Mayor Alex F. Layese, Bogo City Mayor Maria Martinez, Tabuelan Mayor Rex Casiano Gerona, Borbon Mayor Nico Dotillos, Sogod Mayor Lissa Marie Streegan, Catmon Mayor Avis Monleon, Daanbantayan Mayor Gilbert Arrabis Jr., Mayor of Medellin Edwin Salimbangon, San Remigio City administrator Atty. Mary Lean Golisao, ug Madridejos Mayor Engr. Romeo A. Villaceran
Subay niini, aduna nay family food packs nga na apod-apod sa:
Bantayan -21,806 family food packs
Santa Fe -10, 000 family food packs
Tabuelan -11,000 family food packs
Daanbantayan -37,000 family food packs
Sogod -12,500 family food packs
Tabogon -15,000 family food packs
Borbon -12,000 family food packs
Bogo -28, 900 family food packs
San Remigio -20,000 family food packs
Medellin -25,000 family food packs
Madridejos -15,950 family food packs
Catmon -11, 708 family food packs .
