Usa ka babaye sa Tennessee sa Estados Unidos ang nakakita sa iyang hinigugma sa kinabuhi sa usa ka pulis kinsa usa sa mga responders niadtong na-missing siya 15 ka tuig nang milabay.
Si Roshin Ali o mas naila sa iyang social media username nga Roro Nicole ang mihatag sa iyang istorya diin niadtong 13-anyos pa kini kay milayas siya sa ilang panimalay sa Jackson, Tennesee tungod sa kahadlok nga mapatay kini sa iyang amahan sa sayu nga pag-uyab-uyab.
Usa sa mga pulis nga nadestinong miresponde sa pagpangita kaniya kaniadtong kay si Tyler Schrupp apan wala kini sila nagkita niadtong higayona.
Paglabay sa 12 ka tuig, si Ali kay nakakuha og trabaho sa ilang sheriff’s department og didto nagsugod ang ilang matam-is nga paghinigugmaay.
Si Ali kay 28-anyos na karong tuiga samtang si Schrupp kay 38-anyos nga miangkon kini sa kaanyag og kagwapa kini naibog sa babaye og mas nilawm pa ilang pag-tinan-away sa usag-usa sa dihang mas nagkaila pa kini sila.
Apan sa dihang naghisgot na kini sa trauma ni Ali sa iyagn pagka-dalaga, natakdo nila ang mga petsa ug panahon na diay si Schrupp usa sa mga nangita kaniya.
Ang duha na engage niadtong Agosto 2024 ug karon aduna nay 5-month-old nga batang lalaki.
Giklaro sa duha nga wala nila gipugos ang mga panghitabo sa ilang pagkita apan matawag nalang kining tadhana sa kagamay sa kalibutan.
