Gidala sa ospital ang piniriso nga si Christa Pike niadtong Huwebes human napakyas ang estado sa Tennessee sa pagpatuman sa iyang silot nga kamatayon pinaagi sa lethal injection.
Sumala sa mga saksi ug sa iyang mga abogado, nagpadayon gihapon sa pagginhawa si Pike bisan pa man nga gi-inject-an na siya og duha ka doses sa kemikal nga pentobarbital, nga gituyo aron mamatay siya.
Tungod niini, nakit-an ang usa ka ambulansya nga nagdali pagbiya gikan sa Riverbend Maximum Security Institution, diin gisuwayan ang pagpatuman sa silot; kasamtangang gitambalan si Pike sa usa ka duol nga ospital, bisan pa man nga wala pay opisyal nga impormasyon nga gipagawas bahin sa iyang kahimtang.
Nahitabo kini pipila lamang ka oras human ang U.S. Supreme Court nagpagawas og desisyon nga nagtugot sa pagpadayon sa iyang silot nga kamatayon, bisan pa sa mga pagsupak gikan sa tulo ka liberal justices.
Nagtuo kini nga mga justice nga ang pagdali-dali sa pagpatuman sa silot nakapugong sa mga ubos nga korte sa pagrepaso og tarong sa kaso ni Pike.
Si Pike, kinsa 18 anyos pa lamang niadtong gipatay nila sa iyang uyab ang 19-anyos nga si Colleen Slemmer pinaagi sa pagpangulata ug pagkulit og pentagram sa dughan niini, nakadawat og suporta gikan sa iyang mga abogado ug sa UN human rights experts.
Gibutyag nila nga si Pike nag-antos sa severe mental health issues, PTSD, ug childhood abuse, ug nga ang iyang pagpatay, nga unta mao ang unang higayon nga adunay babaye nga gipatay sa Tennessee sulod sa milabay nga 200 ka tuig, mosangpot lamang sa dili kinahanglanon nga pag-antos.
