Gi-uyog na sab sa kusog nga linog ang Sugbo ug Kabisay-an niadtong ala 1:06 AM sa adlawng Lunes, Oktubre 13, 2025.
Base sa inisyal nga datos nga nakuha gikan sa Department of Science and Technology – Philippine Institute of Volcanology and Seismology (DOST-Phivolcs) kay anaa sa magnitude 6.0 apan gi-downgrade dayon kini sa magnitude 5.8 ang maong linog diin ang gikusgon niini nakapahinabo og kahadlok sa Sugbo ug mga kasikbit nga mga lugar sa Kabisay-an.
Ang epicenter kay anaa gihapon nasuta sa dakbayan sa Bogo sa amihanang probinsya sa gilawmon nga 5 kilometros nga usa ka tectonic movement.
Dugang sa DOST-Phivolcs nga aftershock lang kini sa orihinal nga magnitude 6.9 nga linog nga mitay-og niadtong Septiyembre 30 sa alas 9:59 sa gabii.
Nabatyagan ang Instrumental Intensity V sa Villaba, Leyte samtang Intensity IV sa Danao, Asturias, Argao, Talisay City, Cebu City sa Sugbo; Isabel, Hilongos, Ormoc City, Abuyog sa Leyte; ug Hinunangan sa Southern Leyte.
Gipanglantawan nga aduna kiniy musunod nga laing mga aftershocks ang maong inisyal nga linog ingon man nga sutaon ang posibleng kadaot nga nahatod niini.