Nipahigayon og Earthquake drill ang Cebu City Government nga gilangkoban sa mga empleyado ingun man sa mga opisyales usab sa Cebu City hall kagahapong adlawa, Oktobre 13, 2025.
Una nang nipartisipar niini mao ang mga executive department, gisundan sa legislative department, diin gisugdan kini gahapon sa alas 2:00 sa hapon.
Sa pikas bahin, wala ray natala nga major damages usab ang Dakbayan sa Sugbo kagahapong adlawa, tungod sa laing aftershocks nga 5.8 magnitude nga niigo pasado ala 1:00 sa kadlawn.
Matod pa, anaa sa 95% ang kaayohan ang nagkalain-laing edipisyo sa Dakbayan, susama sa mga tunghaan ingun man ang Cebu City Medical Center (CCMC), ug ang mga government-owned establishments.
Naniguro usab ang Cebu City Government nga magpabiling luwas ang mga mamumuo ug ang katawhan sa Dakbayan sa Sugbo, gani usa na nga lakang niini aron masiguro ang kaluwasan mao ang pagpatuman sa suspension of all face-to-face classes gikan na gahapong adlawa, Oktobre 13 hangtud na sa Sabado, Oktobre 18.
