Nipatuman og mga kausaban ang mga organizer sa 33rd Southeast Asian Games (SEA Games) nga ipahigayon sa Thailand.
Kini ang gipaambit ni Gymnastics Association of the Philippines President Cynthia Carrion, nga ang two-time Olympic gold medalist nga si Carlos Yulo ang maapektuhan.
Ang mga organizers namahayag nga ang lagda mao nga ang mga atleta sama ni Yulo nga makigtigi sa lain-laing mga apparatus makapili lang og usa nga apilan.
Dugang ni Carrion nga masaligon ang mga organizers nga makuha gyud ni Yulo ang tanang kategorya ug apparatus nga iyang apilan.
Mahimong pilion ni Yulo ang parallel bars tungod kay didto niya nakuha ang gold medal.
Ilaha usab nga pasagdan si Ivan Cruz nga mohimo sa floor exercise ug si Miguel Besana maoy mohimo sa vault, kinsa midaog usab sa miaging SEA Games.
Nakatutok gihapon si Yulo sa Artistic Gymnastics World Championships nga ipahigayon sa Jakarta, Indonesia gikan Oktubre 19 hangtod 25.
Kahinumduman nga sa 2023 SEA Games, ang Pilipinas nakadaog og upat ka gold, duha ka silver ug usa ka bronze medal.
