Misaad ang grupong Hamas nga ibalik ang tanang patay nga mga hostage sa Gaza nga wala pa makit-i human ang teritoryo nakaagom ug grabeng kadaot human sa duha ka tuig nga gubat.
Ang senior official sa Hamas nga si Ghazi Hamad miingon nga ang pagpangita sa mga patayng lawas kay komplikado ug magkinahanglan og panahon, ilabi na kay ang panagsangka nakapausab sa landscape sa Gaza.
Matod niya nga ilang tumanon ang kasabutan sama sa gisaad.
Sumala sa ahensya sa depensa sibil sa Gaza, usa ka rescue force nga naglihok ubos sa awtoridad sa Hamas, kapin sa 280 ka mga patayng lawas ang na-recover gikan sa mga naguba nga mga estraktura sukad nga ang ceasefire nagsugod sa epekto.
Samtang, niadtong Biyernes sa gabii, Oktubre 17, gitugyan usab sa Hamas ang mga patayng lawas sa laing mgahostage sa Israel.
Gikumpirma sa Israeli Defense Forces kaniadtong Sabado, Oktubre 18, nga ang lungon nga adunay sulud nga patayng lawas sa mga hostage sa Israel gitugyan na sa Red Cross sa Gaza.
Gi-eskortan kinu sa mga tropa sa IDF tabok sa utlanan ngadto sa Israel ug dayon gidala siya diretso sa National Institute for Forensic Medicine sa Tel Aviv alang sa pag-ila.
Kini ang ikanapulo nga lawas sa usa ka bihag sa Israel nga gitugyan sa Hamas karong semanaha, gikan sa kinatibuk-an nga 28 nga namatay nga mga bihag nga ang grupo obligado nga ibalik isip bahin sa unang hugna sa plano sa kalinaw sa Gaza.
