46 Patay sa aksidente sa Uganda

Moabot na sa 46 ka tawo ang namatay human sa bangga sa daghang mga sakyanan sa Uganda.

Base sa inisyal nga imbestigasyon, nag-overtake ang duha ka bus sa Kampala-Gulu Highway hangtod nga nakasugat sila og trak ug sakyanan.

Gisulayan sa paglikay sa mga bus ang panagbangga, apan nag-overtaje gihapon sila diin nalimbuwad ang usa sa mga bus.

Daghang mga asahero ang gidala sa tambalanan nga adunay samad sa ilahang lawas.

Ang President sa Uganda nga si Yoweri Museveni, mipadayga usab sa iyahang pahasubo ug mipahibalo nga iyahang hatagan ang pamilya sa mga biktima og anaa sa $1,430 isip tabang.

Gimando usab sa Presidente ang makuting imbestigasyon sa mao nga insidente.