Gideklara sa World Health Organization (WHO) isip “public health emergency of international concern” ang Ebola outbreak sa Democratic Republic of Congo ug Uganda.
Sumala sa World Health Organization, ang outbreak gikan sa Bundibugyo virus apan wala pa kini gikonsiderar nga pandemic emergency.
Gikanayon usab sa UN health agency nga nakatala na og labing menos 80 ang namatay, 8 ang laboratory-confirmed cases, ug 246 suspected cases sa Ituri province sa Congo lakip ang mga lugar sa Bunia, Rwampara, ug Mongbwalu.
Unang gianunsyo sa Democratic Republic of Congo health ministry sa miaging adlaw nga 80 katawo ang namatay sa bag-ong outbreak sa sidlakang bahin sa probinsya.
Sa Kampala, Uganda, gitaho usab sa WHO ang duha ka laboratory-confirmed cases, lakip na ang usa nga namatay gikan sa mga biyaherong nagsumikad sa Congo apan giingong dili magkalambigit ang duha ka kaso.
Duna usay laboratory-confirmed case sa Kinshasa, siyudad sa Congo gikan usab sa usa ka tawong mibalik gikan sa Ituri province.
