Magpabilin sa mabugnawong lawak sa The Hague, Netherlands si kanhi Presidente Rodrigo Duterte human gibasura sa International Criminal Court (ICC) Pre-Trial Chamber 1 ang sugyot sa kampo niini kabahin sa hurisdikyon sa korte sa iyang kaso.
Sumala sa dokumentong nakuha sa Bombo Radyo Cebu News Team gikan sa ICC diin pinetsahan kini og Oktubre 23, 2025, diin ang Pre-Trial Chamber 1 naglatid nga adunay hurisdikyon ang korte sa kaso ni Duterte tungod kay ang mga alegasyon gituki niini kay kaniadtong miyembro pa sa Rome Statute ang Pilipinas.
Naglatid kini nga magpadayon ang pagkapriso ug ingon man ang umaabot pagdunggog sa ICC sa kaso ni Duterte sa gikatakdang panahon.
Kahinumduman nga unang sugyot sa kampo ni Duterte nga walay gahum ang ICC sa iyaha tungod kay mibiya ang Pilipinas sa pagka-miyembro niini niadtong panahon sa kataas sa iyang administrasyon.
Apan ang prosekusyon kay nagduso nga ang ilang kaso giduso batok sa kanhi Presidente niadtong mga panahon sulod sa Nobyembre 2011 hangtod Marso 2019 diin mao kini ang pakalangkob sa Pilipinas sa ICC.
