Mitay-og ang magnitude 5.8 nga linog sa sidlakang Hokkaido, Japan niadtong Sabado, Oktubre 25.
Sumala sa Japan Meteorological Agency, ang linog nahitabo ala 1:40 sa kaadlawon sa giladmon nga 40 kilometros diin ang epicenter anaa sa habagatang-sidlakang baybayon sa Nemuro Peninsula sa Hokkaido.
Gipasabot sa ahensya nga ang pagtay-og nahitabo sa utlanan sa duha ka plate.
Kini ang ikalima nga pinakataas nga lebel sa seismic intensity scale sa Japan sa siyudad sa Nemuro.
Gipaubos sa mga opisyal ang magnitude ang linog gikan sa inisyal nga magnitude nga 5.9.
May kalabotan niini, gitambagan sa ahensya ang mga residente sa mga lugar nga naigo sa linog nga magbantay sa mga aftershock nga ubos sa 5.0 magnitude nga mahimong molungtad sulod sa usa ka semana.
Ingon man nga hangtud karon kay walay natala nga hulgang tsunami
human sa kusog nga linog.
