Nagpagawas ug pipila ka mga pahinumdom para sa luwas ug hapsay nga pagbiyahe karong Kalag-kalag 2025 ang Philippine Ports Authority (PPA).
Para sa mga pamilya nga adunay mga anak, ang PPA nagsugyot nga dad-on ang mosunod: mga ticket ug ID, mga meryenda ug ilimnon, mga dulaan, mga libro, o mga tablet, mga wet wipes ug dugang nga mga sinina, kalo o jacket, first aid kits (sama sa band-aid, thermometer, paracetamol drops), ug name tag o safety wristband. Siguruha nga kuptan ang kamot sa bata sa mga lugar nga daghang tawo.
Para sa mga solo nga biyahero, kinahanglan magdala ug balido nga ID ug ticket (uban ang digital copy), gamay nga bag, tubig, power bank ug charger, jacket, listaha sa mga emergency contact, ug ipahibalo ang mga paryente o higala sa ruta.
Pagdala usab ug sanitizer ug mga wipes ug batasana ang pag-abot sa pantalan og sayo.
Para sa mga senior citizen, siguruha nga magdala ug maintenance nga tambal (nga adunay label), medical ID o reseta, mga light snacks ug tubig, portable fan o gamay nga unlan, eyeglasses o reading aids, balido nga ID ug mga travel paper, ug assistance card o contact information para sa kauban.
Ayaw pagpanuko sa pagpangayo og tabang gikan sa mga kawani sa PPA kung gikinahanglan.
Para sa mga Plantitas/Plantitos nga mobiyahe, gikinahanglan ang Clearance for Domestic Transport (CDT) gikan sa Bureau of Plant Industry – National Plant Quarantine Services Division (BPI–NPQSD).
Adunay mga restriksyon sa pipila ka mga tanom sama sa genus Musa (saging/abaca).
Para sa mga ginikanan nga adunay furbabies, pagdala og Veterinary Health Certificate ug balido nga shipping permit gikan sa Bureau Of Animal Industry – National Veterinary Quarantine Services (nga balido hangtod sa 7 ka adlaw).
