Mipadangat sa iyang pahasubo si Pope Leo XIV ngadto sa mga biktima sa hilabihang kakusog nga si Hurricane Melissa.
Gipadayag sa Santo Papa ang iyang kasuod sa mga biktima sa bagyo diin karon miigo na sa nasud nga Cuba nga kaniadto nanghasi sa ubang islang-kanasuran sa Caribbean.
Asoy sa Santo Papa nga gilakip niya sa iyang mga pag-ampo ang kadtong naigo sa maong katalagman ilabi sa grabeng pagbaha (flash floods) ug pagdahili sa yuta (landslides).
Ingon man nga giawhag niini ang mga civilian authorities nga buhaton ang tanan aron makasalbar og kinabuhi sa mas daling panahon tungod sa ka kritikal niini dungan sa iyang pasalamat sa mga katolikong komunidad nga mitugyan sa ilang panahon aron muabag sa isig ka-lungsod.
Gitala sa mga awtoridad nga ang Hurricane Melissa kay mao ang pinakakusog nga bagyo nga miigo sa Caribbean sulod sa pipila na ka dekada.
