Gikanselar sa Philippine Coast Guard (PCG) ang mga byahe sa upat ka lugar nga ubos sa Tropical Cyclone Wind Signal No. 1, human sa pagkusog sa Tropical Storm “Tino” ngadto sasevere tropical storm karong Lunes, Nobyembre 3.
Sumala sa tigpamaba sa PCG nga si Captain Noemie Cayabyab, walay barko nga tugutan nga mobiya kung ang dunggoan, agianan, o destinasyon ubos sa storm signal, isip kabahin sa pagsiguro sa kaluwasan sa mga byahero.
Base sa report gikan sa state weather bureau, ang Signal No. 1 gipataas sa Eastern Samar, Dinagat Islands, ug Siargao ug Bucas Grande Islands.
Miduagng si Cayabyab nga ang PCG nagpadayon sa pagkonsolida sa gidaghanon sa mga pasahero nga naapektuhan sa mga pagkansela sa biyahe. Gipahibalo usab niya nga ang mga deployable response group sa PCG, lakip ang mga rescue swimmers, mga medical team, ug mga air and sea assets kay gi-activate na.
Ang mga personahe sa Coast Guard gitahasan usab sa pagtabang sa mga lokal nga gobyerno ug sa National Disaster Risk Reduction and Management Council (NDRRMC) sa pagtubag sa mga epekto sa grabe nga panahon.
