-- ADVERTISEMENT --
Nakaplagan na sa search and rescue team ang mga patayng lawas sa unom ka tawo nga sakay sa usa ka Philippine Air Force (PAF) Super Huey helicopter nga nahagsa sa lungsod sa Loreto, Agusan del Sur kagahapon, mga alas 10:55 sa buntag.
Sumala ni Col. Christina Basco, tigpamaba sa PAF, sa usa ka interbyu sa Bombo Radyo, ang namatay naglakip sa duha ka piloto ug upat ka tripulante nga pulos miyembro sa ilang search and rescue group. s.
Ang helicopter gikan sa Davao City ug padulong na unta sa Butuan City aron mag-andam ug maghatud og tabang sa mga biktima sa Bagyong Tino, sa dihang nawad-an kini og komunikasyon sa ubang mga helicopter nga nagbiyahe.
Nagpadayon pa ang imbestigasyon aron mahibal-an ang hinungdan sa pagkahagsa sa helicopter.
