Nagbangotan ang Philippine Air Force (PAF) sa pagkamatay sa unom sa maisog nga mga miyembro niini human nahagsa ang usa ka Huey helicopter samtang nagpahigayon og usa ka humanitarian ug disaster response mission sa Agusan del Sur niadtong Nobyembre 4, 2025, human sa kadaot nga gipahinabo sa Bagyong Tino.
Ang mga namatay giila nga sila si: Pilot Capt. Paulie B. Dumagan, 2Lt. Royce Louis G. Camigla ug mga crew nga sila Sgt. Yves B. Sijub, Sgt. John Christopher C. Golfo, A1C Ericson R. Merico, at A1C Ameer Khaidar T. Apion.
Ang PAF nagpaabot sa ilang kinasingkasing nga pahasubo sa mga pamilya ug mga minahal sa namatay.
Sumala sa pahayag, magpabilin nga buhi ang handumanan sa ilang kabayanihan, dedikasyon, ug matinud-anon nga pagserbisyo sa nasud.
Gipasiugda sa PAF nga ang ilang sakripisyo magsilbi nga inspirasyon sa umaabot nga mga henerasyon sa mga airmen nga magpadayon sa pagserbisyo nga adunay kaisog ug dungog alang sa katawhan.
