Suportado nila ni Presidente Ferdinand Marcos Jr. ug ni DPWH Secretary Vince Dizon ang Metro Cebu Integrated flood ug drainage master plan nga gisugyot ni Vice Governor Glenn Soco atol sa pagbisita sa duha ka opisyal sa Sugbo.
Ang maong sugyot kay usa ka science-based solution nga makapahunong sa balik-balik nga pagbaha gikan sa Dakbayan sa Carcar hangtod sa Dakbayan sa Danao.
Ingon man nga atol sa pagbisita sa duha ka opisyal sa Sugbo ug pakigtagpo sa mga opisyales sa Cebu kay nahisgutan nila ang maong plano ug abli ang presidente sa pagkab-ot niini.
Matud ni Vice Governor Glenn Soco nga duol sa iyang kasing-kasing ang maong planoha ug kaniadtong tuig 2017 kay giduso niini ang sugyot sa dihang siya pa ang Chairman sa Regional Development Council.
Kini gibasi sa 2013 nga pagtuon sa JICA, nga nagsugyot og usa ka holistic nga pamaagi sa pagsulbad sa pagbaha gikan sa ibabaw ug dili lang sa ubos sa suba diin ang kadaot kay mabati na.
Busa, nipadayag og dakong pasalamat ang opisyal kang Dizon sa pagkuha sa atensyon sa Presidente ug giila ang problema sa baha sa Cebu.
