Nipagawas ang PHIVOLCS og Lahar Advisory alang sa Bulkang Mayon kalabot sa gipaabot nga pag-ulan tungod sa Typhoon Uwan.
Subay sa Weather Advisory #6 ug Preparatory Flood Information Forecast para sa Bicol River Basin nga gi-isyu sa PAGASA, ang Bicol Region makasinati ug kusog ngadto sa grabeng pag-ulan (hangtod sa 400mm) nga mahimong hinungdan sa pagdagayday sa volcanic sediment o lahar sa mga dapit palibot sa Bulkang Mayon.
Partikular nga apektado ang mga komunidad sa daplin sa mga agianan sa tubig sa Miisi, Binaan Mabinit, Buyuan, Anoling, Matan-ag, Basud, Quirangay, Tumpa, Sua, Muladbucad, Nasisi, Nabonton, Buang, San Vicente, Bulawan, Lidong, Masarawag ug Maninila Channels.
Ang mga lahar o pag-agos sa lapok gikan sa bulkan mahimong mahitabo tungod sa padayon nga pag-ulan, hinungdan sa pagbaha, kadaot, o paglubog sa ubos nga mga lugar.
Gitambagan sa mga eksperto ang mga residente ug lokal nga gobyerno sa nahisgutang mga lugar nga magbantay, padayon nga magmonitor sa kahimtang sa panahon, ug mohimo og mga lakang sa kaluwasan.
