Mipagibalo ang Department of Justice (DOJ) nga aduna kini duha ka pilianan nga mahimong gamiton sa pagpatuman sa arrest warrant batok kang Sen. Ronald “Bato” Dela Rosa.
Sumala ni Chief State Counsel Dennis Arvin L. Chan, ubos sa Republic Act No. 9851, ang departamento mahimong mag ‘extradition’ o ‘surrender per se’.
Matod niya kini kon ugaling nadawat na nila ang warrant of arrest gikan sa International Criminal Court (ICC) batok sa maong senador.
Apan iyang giklaro nga kining duha ka opsyon kay teorya lamang tungod kay wala pa’y kumpirmasyon kon tinuod ba nga gi-isyu kini sa International Tribunal.
Gipaniguro sa DOJ nga wala pa sila makadawat og kopya sa ‘warrant of arrest’ nga giingong gi-isyu sa International Tribunal.
Busa, gipaambit sa maong opisyal nga ilang gitun-an ang mga opsyon nga mahimong gamiton bahin sa pagpatuman sa arrest warrant.
Matod niya nga wala nila gisirad-i ang posibilidad sa pag-aksyon sa mando pinaagi sa extradition o surrender ni Sen. Bato Dela Rosa.
Samtang giklaro ang mga teknikalidad sa relasyon sa nasud sa ICC.
Miingon siya nga ilang giisip ang International Tribunal isip usa ka ‘requesting state’ apan miingon nga walay kasabutan nga mopatuman sa extradition.
