Wala pay konkretong ebidensya nga nagtumbok sa kanhi House speaker nga si Martin Romualdez nga nalambigit sa anomaliya sa pagkontrol sa baha.
Kini gipasiugda ni Presidente Ferdinand Marcos Jr., sa dihang mipatim-aw kini sa mga sakop sa tigbalita kagahapong adlawa sa Huwebes, Nobyembre 13.
Ang Presidente miingon nga 37 ka mga magbabalaod ang naa sa listahan nga pasakaan og mga kasong kriminal ug administratibo tungod sa ilang pagkalambigit sa anomaliya nga mga proyekto sa flood control.
Sa 37 ka mga ngalan sa mga magbabalaod, wala gilakip ang kanhi House Speaker nga si Ferdinand Martin Romualdez.
Bisan pa, ang Presidente miingon nga kung adunay bisan kinsa kanila nga motungha sa imbestigasyon, ang iyang ig-agaw manubag usab.
Ang Presidente miingon nga ang ngalan ni Romualdez mitungha sa hearing sa Senado.
Giklaro usab sa Presidente nga dili lang sila nagpasaka og mga kaso.
Matod niya nga ang ilang lakang mao ang pagtukod og mga kaso aron manubag ang mga nalambigit.
Giawhag sa Presidente ang mga tawo nga hatagan sila og konkretong ebidensya aron magamit kini sa pagpasaka og kaso sa bisan kinsa.
Gipasiugda sa Presidente nga walay bisan kinsa nga dili maapil niini ug walay bisan kinsa nga exempted sa imbestigasyon.
