Subling gipasabot sa Department of Social Welfare and Development Central Visayas nga padayon pa ang pagpang-apud-apod sa cash assistance ubos sa Emergency Cash Transfer program ngadto sa mga naapektuhan sa linog sa Northern Cebu.
Kini ang gipaambit ni Regional Director DSWD 7 Shalaine Marie S. Lucero nga ‘by batch’ ang ilang panghatag sa hinabang nga kwarta hinungdan nga midasig ug mihangyo kini nga tas-an pa ang pasensya hilabi na nga tumong nila nga mahatagan ang tanan.
Ang pagpasabot sa opisyal kay nunot sa mga nadawat nga reklamo nga gihapon adunay mga wala makadawat sa ECT.
Dugang ni Lucero nga sa ilang natala kay adunay 216,000 ka pamilya o katumbas kini sa halos 760,000 ka indibidwal ug padayon ang ilang pagsuta sa mga totally ug initial damage.
Ingon man nga dili sila angay nga mabalaka gumikan basi sa orihinal nga budget sa buhatan nga adunay P800 million ug adunay nadawat ang nadawat sa DSWD gikan sa central office nga katunga.
Giawhag usab ni Lucero ang mga pamilyang biktima sa katalagman nga wala pa makadawat og hinabang nga moduol sa ilang barangay o local government aron masuta kung asa nga mga suok nga lugar ang nagkinahanglan pa og tabang.
Kini gumikan ang LGUs ang hilabihang nasayud sa ilang mga komunidad hinungdan ngadto sila nakig-alayon aron malikayan usab nga mag-doble ug magbalik-balik ang pangalan sa listahan.
