Gipaanginlan ni kanhi Ako Bicol Partylist Representative Elizaldy “Zaldy” Co nga ang kanhi House Speaker Ferdinand Martin Romualdez sa paghulga nga “pusilon siya” kung mosulti siya ug mobalik sa Pilipinas.
Sa ikatulong bahin sa video statement nga gipagawas ni Co niadtong Domingo, Nobyembre 16, iyang giingon nga ang mga hulga batok kaniya nagsugod niadto pa dawng Marso 2025 atol sa usa ka panagpulong.
Miingon siya nga gitawagan siya ni Romualdez aron sultihan siya nga dili na mobalik sa nasud ug nga sila ang moatiman kaniya. Giingong nanawag pag-usab si Romualdez ug gisultihan siya nga kung mopauli siya, mameligro iyang kinabuhi.
Miingon siya nga mahimo silang mo-hire og tawo aron mokidnap kaniya o mo-hire og daw “pulis” aron patyon siya samtang naa siya sa prisohan.
Kaniadto mipahayag si Co nga nagplano siya nga mobalik sa Pilipinas human sa State of the Nation Address (SONA) ni Presidente Ferdinand “Bongbong” Marcos Jr. apan sa dihang hapit na siya mopauli, gitawagan siya ni Romualdez ug giingnan nga dili na mobalik sa nasud ug nga atimanon siya sumala sa gimando sa Presidente, busa nagpakahilom nalang daw siya.
Apan kini nagpasabot nga gamiton lang siya isip tabon sa kampanya sa administrasyon batok sa korapsyon.
