CEBU CITY- Mihatag og mensahe si Presidente Ferdinand “Bongbong” Marcos Jr. atol sa ika-31 nga Asia-Pacific Regional Space Agency Forum (APRSAF-31) ubos sa tema nga “Empowering the Region through Space Ecosystems in Action,” nga gipahigayon sa dakbayan sa Lapu-lapu.
Gipasiugda niini ang dinalian nga panginahanglan sa paggamit sa teknolohiya sa kawanangan aron mapanalipdan ang mga tawo gikan sa pagbag-o sa klima ug mga katalagman.
Ingon man ang pagpunting sa Philippines’ MULA satellite ug ang Copernicus Data Center, nga gidisenyo aron suportahan ang pagtubag sa katalagman, monitoron ang mga maritime zone, ug matabangan ang pagdumala.
Mao na kini ang ikaduhang higayon nga nag-host ang Pilipinas sa APRSAF sukad sa 2016, diin nanguna sa mga diskusyon uban sa kapin 40 ka mga nasud bahin sa kapabilidad sa kawanangan, pag-uswag sa industriya, ug kooperasyon sa rehiyon.
Ang tulo ka adlaw nga kalihokan giorganisar sa Philippine Space Agency, MEXT sa Japan, ug JAXA, uban sa suporta gikan sa lainlaing mga ahensya sa gobyerno sa Japan
