Dili na susama ang pagsaulog sa Sinulog sa dakbayan sa Sugbo human gikonsiderar ang mga nangaging mga panghitabo ug sa kasamtangang panginahanglan alang sa pagbangon gikan sa pag-igo sa sunod-sunod nga katalagman.
Lakip kini sa gibutyag ni Cebu City Mayor Nestor Archival nga nga ang pagplano sa Sinulog 2026 kay nakapokus sa mas maayong organisasyon ug pagdaginot og kwarta.
Usa sa mga gisugyot sa mayor nga tapuson ang mga selebrasyon sa sunod tuig tali sa alas 6 sa gabii ug alas 7 sa gabii, usa ka dakong kalainan gikan sa miaging mga tuig diin ang mga programa molungtad hangtud sa kadlawn.
Gidugang usab niini nga sa higayon nga ma-pinal na ang budget alang sa Sinulog 2026 kay makighinabi usab ang pangu ngadto sa grupo sa execom sa tumong sa pagtangtang sa mga kalihokan nga dili mahinungdanon.
Apan, giklaro ni Archival nga dili niya balibaran ang mga grupo o indibidwal nga mohatag sama nalang sa pa-fireworks.
Ingon man ang party-party gumikan una niini nga gibutyag nga dili mo-organisar ang kagamhanan tungod laing gasto usab kini apan kung adunay andam manguna ug mo-organisar dili niya kini babagan inay hatagan sa mayor og permit basta siguraduhon lang ang seguridad sa mga mosalmot.
