Dili lang kadaugan batok sa Team Guam ang nakuha sa Gilas Pilipinas apan nakakuha pud kini og bag-ong record sa rebounding output niini sa FIBA Asian qualifiers game.
Nalabwan sa Gilas ang nakalabayng record nga 59-rebound output sa Iran batok Lebanon human nakalangkat kini sa 61 rebounds sa duwa batok Guam sa final score nga 87-46 niadtong Biyernes. Nobyembre 28 sa FIBA World Cup Asian Qualifiers.
Nakapupo og 10 rebounds sa iyang national team debut si Quentin Millora-Brown nga mitabla kang nine-time PBA MVP June Mar Fajardo.
Miamot sab si AJ Edu sa iyang walo ka rebounds nga maoy nahimong yawi sa maong record-breaking game./
Mitampo sab sa iyang lima ka offensive rebounds ang tisoy nga wingman sa Gilas nga si Dwight Ramos ng nanguna sa kinatibuk-ang 20 ka offensive rebounds sa grupo.
Samtang ang Team Guam nakakuha lamang og 36 rebounds kini gawas pa sa star center sa Gilas nga si Kai Sotto nga nagpaulian pa sa nasinating ACL injury sayo rong tuiga.
