Nagpahayag sa ilang hingpit nga kaandam ang Department of the Interior and Local Government, uban sa Philippine National Police, aron masiguro ang luwas ug hapsay nga pagpahigayon sa Trillion Peso March, karong adlawa sa Dominggo, Nobyembre 30.
Gipalig-on pag-usab sa ahensya ang ilang pasalig sa pagpanalipod sa matag lungsuranon, pagmintinar sa kahusay, ug pagsiguro sa kaluwasan sa mass rally.
Sa usa ka pamahayag bahin sa mga pagpangandam sa seguridad sa DILG, giingon niini nga ang nasudnong kapulisan nga mag-deploy og igo nga mga opisyal sa mga kritikal nga lugar aron pagdumala sa mga tawo, pagtubag sa mga sitwasyon sa emerhensya, ug pagmintinar sa dagan sa trapiko.
Ang labing taas nga tolerance hugot usab nga sundon ug aron masiguro ang kaluwasan sa publiko, ang mga permit sa pagdala og armas sa Metro Manila suspendido sugod kaniadtong Sabado hangtod Lunes, ug ang mga personahe sa pagpatuman sa balaod nga naghimo sa ilang opisyal nga mga katungdanan lamang ang gitugotan nga magdala og armas sa nahisgutang panahon.
Kini nahiuyon usab sa direktiba ni Presidente Ferdinand “Bogbong” Marcos Jr. aron masiguro ang kaluwasan sa publiko samtang gigamit ang konstitusyonal nga katungod sa mga Pilipino sa pagpahigayon og malinawon nga mga asembliya.
Giawhag sa DILG ang tanan nga mga partisipante sa rally nga gamiton ang ilang mga katungod sa responsable nga paagi, sundon ang mga giya gikan sa mga awtoridad, ug mokooperar alang sa usa ka hapsay ug luwas nga rally.
