Miabot sa 152 ka mga pasyente ang nakapanghimulos sa nahitabong surgical mission nga gipahigayon sa Kagamhanang Lalawigan sa Sugbo ngadto sa Oslob District Hospital niadtong nakalabayng Sabado, Nobyembre 29, 2025.
Diin sa maong ihap, 79 ka mga pasyente ang nadalitan sa dental care service, 47 ang mipaubos og minor surgical procedures, 26 ang nakadawat og major surgeries sama sa hernia repair ug cholecystectomy.
Mipadangat sa iyang pasalamat si Cebu Capitol Health Consultant Dr. Nikki Catalan sa mga partners sa kagamhanan sa paghimo sa maong kalihokang panglawas nga mamahimong malampuson kini.
Dugang pa nga ang maong kalihokan kay kabahin gihapon sa padayong reporma sa natad sa serbisyong gidalit sa Kapitolyo ubos sa kasamtangang administrasyon nga makahatod og batakang gipanginahanglan sa mga Sugbuanon nga mas duol sa ilang mga lumad nga kalungsuran.
