Gisugdan na ang pagtuon sa Drainage Master Plan sa South Road Properties (SRP) sa dakbayan sa Sugbo kaniadtong Miyerkules, Disyembre 3.
Kini atil sa coordination meeting nga gipahinabo sa kagamhanang dakbayan diin nagkaabot sa kasabutan si Cebu City Mayor Nestor Archival Sr. ug mga ang active locators sa SRP.
Gipahigayon ang panagtigom sa South Road Properties Management Office (SRPMO) aron pormal nga ikumpirmar ang pagsugod sa pagtuon nga ubos sa pagdumala sa MGR Consultancy and Allied Services, Inc.
Gani sumala pa ni Dr. Belmore Mejares sa MGR Consultancy nga ang ilang mga sakop kay nagsugod na sa pag-survey diin gikatakdang matapos human sa tulo ka buwan inabagan sa mga personahe sa kagamhanang dakbayan.
Kahinumduman nga unang gisugyot ang drainage planning niadtong 2019 apan wala kini nakapasar.
Samtang sa pikas bahin, gisugdan na sab sa Cebu City Transportation Office (CCTO) ang Traffic Management Master Plan sa SRP nga gidumala sa TY Lin International nga mulanat sa duha ka tuig sa budget nga P5.7-milyones nga pagapundohan sa mga active locators ug walay tampo ang gobyerno.
Ang report kay naglakip lima ka mga connecting bridges nga gi-conceptualized nga gikan sa nakalabayng administrasyon.
