Pole vaulter EJ Obiena, nagsaulog sa Pasko uban sa iyang pamilya

Malipayong gipaambit ni Pinoy pole vaulter EJ Obiena ang selebrasyon sa Pasko karong tuiga uban sa iyang tibuok pamilya.

Matod niya nga kini ang unang higayon sulod sa walo ka tuig nga nakauban niya ang iyang pamilya sa Pilipinas.

Human niya madaog ang iyang ikaupat nga bulawang medalya sa Southeast Asian Games sa Thailand, nakahukom siya nga mobakasyon sa nasud.

Usa ka dakong hagit karung tuiga alang kang Obiena sa dihang nadayagnos siya nga adunay back injury, nga nagpasabot nga wala siya makaapil sa daghang dagkong mga kompetisyon sa gawas sa nasud.