Naglaum si Philippine Olympic Committee (POC) President Abraham “Bambol” Tolentino nga ang mga Pinoy athletes makadala og dugang nga mga kadaugan sa sunod tuig, ug kini subay sa maayong performance sa nasud sa bag-o lang nahuman nga ika-33 nga Southeast Asian Games.
Sumala ni Tolentino, bisan tuod ang Pilipinas nahuman sa ikaunom nga pwesto, ang ilang mga kadaugan sa pinakalisod nga mga sports usa ka maayong timaan sa maayong performance.
Gikutlo sa opisyal ang usa ka pagtuki gikan sa usa ka Vietnamese online platform diin 70% sa mga bulawang medalya nga nadaog sa Pilipinas mga sports sa Olympics.
Naglakip kini sa athletics (five golds), swimming (3), gymnastics (3), triathlon (3) ug modern pentathlon (3).
Ang mga kadaugan sa Pilipinas makasaysayanon usab sa women’s football, men’s baseball, tennis, basketball, contact sports, ug uban pa.
Gipasiugda ni Tolentino nga ang Pilipinas gikatakda nga moapil sa dugang nga mga kompetisyon sa gawas sa nasud sa sunod tuig ug ang mga atleta siguradong magtakda og bag-ong mga rekord sa umaabot nga mga kompetisyon.
Ang uban niini naglakip sa Milano Cortina Winter Olympics gikan sa Pebrero 6-22; Sanya Asian Beach Games gikan sa Abril 22-30; Aichi-Nagoya 20th Asian Games gikan sa Septyembre 19 hangtod Oktubre 4, ug uban pa.
