Nipadangat og Malipayong Bag-ong Tuig ang Bureau of Fire Protection Region 7 (BFP-7) sa tanang Sugbuanon ug sa katawhan sa tibuok Central Visayas, uban ang paglaum nga ang umaabot nga tuig mahimong luwas, malinawon, ug puno sa mga panalangin.
Sumala sa pahayag ni FCSupt. Fred Linazan Trajeras Jr., Regional Director sa BFP-7, gidasig niini ang publiko nga magpadayon sa pagbantay ug pagpakita og responsableng pamatasan, ilabi na sa paggamit sa pabuto, kuryente, ug uban pang posibleng hinungdan sa sunog atol sa selebrasyon sa Bag-ong Tuig.
Gipasiugda usab sa BFP-7 nga ang aktibong kooperasyon sa komunidad ug ang mahigpit nga pagtuman sa mga fire safety measures dakong tabang aron malikayan ang sunog ug uban pang emerhensiya, ilabi na karon nga nagsugod ang bag-ong tuig.
Sa pagtapos sa ilang mensahe, mipasalamat ang BFP-7 sa padayon nga pagsalig ug suporta sa publiko, ug naghandum og usa ka Bag-ong Tuig nga luwas, malinawon, ug mapanalanginon para sa tanan.
