CEBU CITY- Padayong nagsaka ang mga natalang patay sa Binaliw landfill, diin karong adlawa lang, Enero 13, niabot na kini og 11.
Sa karon, adunay kinatibuk-ang 11 ang patay, 12 injured, ug 25 ka mga indibidwal nga nagpabiling missing taliwala sa subsob nga search and rescue operations sulod sa dul-an 5 ka milabayng adlaw.
Subay niini, ekslusibong gikuha sa Bombo Radyo Cebu Newsteam ang habig ni FCSUPT. Fred Trajeras Jr., ang Regional Director sa Bureau of Fire Protection07, diin iyang gikabutyag nga hangtud karon, padayon ang ilahang search and retrieval operation.
Wala usab gilimod ni Trajeras nga taliwala sa ilang padayon nga operasyon, nga anaa na silay mga nakit-ang patayng lawas sa mga na missing, pero wala pa nila ni gilakip sa lista gumikan wala pa na-ugkat tungod sa kalisud nga kuhaon ug ugkaton kini tungod sa kalisud nga kuhaon niini.
Gikabutyag usab ni Trajeras nga karong adlawa, adunay 64 ka mga standby rescuers gikan sa BFP sa Binaliw landfill nga magpadayon sa ilahang ikalima ka adlaw nga operasyon nga nagtumong nga makakuha sila og laing indibidwal nga hangtud karon nagpabiling missing, inubanan usab sa nagkalain-laing ahensya, malaomon sila nga magmalampuson ang ilahang rescue operations.
Ingun man nga hugot usab nga nipasalig nga ang mga pesonahe gikan sa BFP, makalaom ra ang katawhan nila gumikan kay dili sila mobiya sa maong pasilidad kung dili nila malampusong mahuman ang ilahang operasyon
Samtang, gikompirmar usab ni Trajeras nga matod pa sa taho sa mga team leaders ug supervisors, aduna silay nakaplagan nga mga lawas sa mga tao, apan dili mayano og sungasong pasulod kay adunay mga parte sa maong pasilidad nga subra ka delikado, hinungdan nga nagpabilin silang naghuwat sa mahuman na ang clearing operations gamit ang mga heavy equipments aron ma lahus-lahus na ang ilahang operasyon.
Bisan paman, nipsalig gihapon si Trajeras nga padayon sila nga mohatag sa ilahang labing maayo, masaligan, abtik nga serbisyo bisan paman sa nag-abotay karon nga kalihokan sa Sugbo, sama sa Sinulog ug ASEAN Summit, aduna nay gitagana nga mga personahe nga i-deploy sa maong mga aktibidad.
