Misaka na ngadto sa 16 ka tawo ang nakalas samtang nagpadayon ang grabeng wildfire nga naugdaw sa dagkong bahin sa nasud sa Chile.
Tungod sa kakuyaw sa sitwasyon, opisyal nga gideklarar ni Presidente Gabriel Boric ang usa ka “State of Catastrophe” sa mga rehiyon sa Ñuble ug Bío Bío.
Kini nga deklarasyon nagtugot sa gobyerno nga mogamit og dugang pundo ug tabang militar aron mapugngan ang pagkaylap sa kalayo.
Kapin sa 20,000 ka tawo ang napugos nga luwason ang ilang kaugalingon ug mobiya sa ilang mga panimalay alang sa seguridad, samtang kapin sa 250 ka balay ang hingpit nga nadaut sa kalayo.
Sumala sa mga otoridad, ang maong kalamidad gipahinabo sa grabeng kainit sa panahon o “heatwave” nga nasinati karon sa nasud, inubanan sa kusog nga hangin nga maoy nakapasamot sa pagdilaab sa kalayo.
Padayon pa ang gihimong firefighting operations sa mga ahensya sa gobyerno ug mga volunteers aron maluwas ang uban pang mga komunidad nga anaa sa peligro.
