Mipaambit sa iyang pahasubo si Toledo City Mayor Marjorie “Joie” Perales sa haya sa volunteer nga nakabsan sa kinabuhi human nakasinati sa “septic shock” atol sa pag-abag sa rescue operations sa Binaliw landfill landslide sa nakalabayng semana.
Personal nga mibisita si Mayor Perales kang anhing Ramon Singson, kinsa usa ka security personnel sa Carmen Copper Mining Corporation nga adunay kahanas sa search, rescue and retrieval operation tungod kay naghupot pud kini sa ranggo nga “Sergeant” sa Philippine Army reservist division.
Mipadayag sa iyang ganti ang mayor sa maong dakbayan sa kabayanihan nga gipakita ni Singson diin iya mismong kinabuhi ang iyang gibuhis aron lang sa tiunay nga serbisyo sa nabiktima sa makalilisang nga pagdahili sa gabuntod nga basura sa Barangay Binaliw sa Cebu City niadtong Enero 8.
Gipaambit niini iyang pahasubo sa kabanay sa mitaliwan ilabi na sa asawa ug mga anak niini sa pagpahulay nga dayon sa ilang padre-de-pamilya.
