Patay ang duha ka mga tawo sa nahitabong landslide sa Welcome Baysa New Zealand ug sigon ni Prime Minister Christopher Luxon, nagbangutan karon ang ilang nasud tungod sa grabeng trahedya nga mugna sa daot nga panahong milungtad og 48-oras.
Samtang laing landslide ang mitabon sa usa ka campground sa tourist hotspot sa Mount Maunganui nga miresulta sa pagka-missing sa daghang mga tawo.
Dugang sa mga rescue workers, wala na’y tima-ilhan sa kinabuhi sa maong campsite samtang gikumpirmar usab ni Minister for Emergency Management Mark Mitchell nga usa ka batang babaye ang wala pa makita rason sa nagpadayong search operations.
Pila ka adlaw na usab nga gibunokan sa ilan ang Bay of Plenty area sa North Island, hinungdan sa lapad nga pagkapalong sa kuryente ug grabe nga pagbaha.
Gilaumang bisitahon usab ni Prime Minister Chris Luxon ang mga landslide areas ugmang adlawa.
