Gitataw karon ni Mandaue City Police Office (MCPO) City Director PCol. Cirilo Acosta, nga ang MCPO, hugot nga gibantayan ang seguridad sa maong syudad, partikular na sa mga rota nga maagian sa mga delegado sa ASEAN Summit Forum 2026.
Gikabutyag ni PCol. Acosta nga bisan paman nga walay engagement area sa Dakbayan sa Mandaue nga naka designate, anaa gihapon sila nagsiguro sa mga posibleng luna nga agian sa mga delikado atol sa dakong kalihokan.
Sa pakighinabi sa Bombo Radyo Cebu Newsteam kaniya, iyang giklaro nga hugot gihapon ang ilahang pagpatuman sa seguridad sa rota, sukad sa Lapu-Lapu City hangtud na sa Cebu City.
Gidugang ni Acosta nga aduna silay gibana-banang 60 ka mga personahe ug dugang 30 usab sa nagkalain-laing ahensya para mo abag sa pagbantay sa rota nga agian sa mga deligado.
Ang maong visibility sa maong personahe sa MCPO sukad sa Enero 26-30, diin bisan paman og gabii ug aduna pay aktibidad, anaa gihapon ug makalaom nga naa ra ang mga personahe nga nagpabiling alerto sa kadalanan.
