Anaa na sa kustodiya sa Philippine Coast Guard (PCG) ang 15 ka mga Pilipinong naluwas ug ang duha ka patayng lawas sa tripulante sa M/V Devon Bay human sila gi-turnover sa Chinese Coast Guard (CCG).
Sumala sa usa ka pahayag gikan sa PCG, ang mga Pilipinong tripulante nakit-an human sa usa ka turnover operation nga gihimo tali sa PCG ug CCG 168 nautical miles kasadpan sa Tambobong, Pangasinan.
Matud sa PCG, ang mga Pilipino gibalhin pinaagi sa rigid-hull inflatable boats tungod sa kusog nga mga balud nga nakapugong sa duha ka barko nga magtagbo. Samtang, ang PCG nakig-alayon usab sa mga pamilya sa duha ka namatay aron mahatagan og hustong mga kahikayan sa lubong ang mga biktima.
Gilauman nga moabot sa Pier 13 sa Port Area sa Manila, karong buntaga ang mga tripulante.
Ang kargamento sa M/V Devon katapusang nakit-an 262 kilometros sa kasadpan sa Sabangan, Pangasinan, mga alas 8:30 sa gabii niadtong Huwebes nga nagdala og iron ore paingon sa Guangdong China.
Nipaabot na usab og pasalamat si PCG SPokesperson Captian Neomie Cayabyab alang sa tabang sa katawhan aron masiguro ang pagpreserbar sa kinabuhi sa dagat.
