Gisalikway sa International Criminal Court (ICC) ang pagsulay sa kampo ni kanhi Presidente Rodrigo Duterte nga babagan ang pagtudlo og mga abogado alang sa mga war on drugs victims
Sa 15 ka panid nga desisyon nga gi-isyu niadtong Enero 26, ang ICC Pre-Trial Chamber I miingon nga kadaghanan sa mga aplikante sa biktima gusto nga representahan sa mga abogado nga akreditado sa ICC nga sila si Atty. Joel Butuyan ug Gilbert Andres o sa Office of Public Counsel for Victims (OPCV).
Si Butuyan ug Andres kwalipikado nga itudlo isip legal nga representante sa mga biktima.
Bisan pa, ang kampo sa kanhi presidente miingon nga ang nahisgutang mga abogado nagpahayag na sa ilang kasuko kang Duterte, nga misangpot sa online harassment ug judicial trolling.
Gipasabot sa Pre-Trial Chamber 1 nga ang mga opinyon sa publiko sa mga abogado wala makaapekto sa ilang propesyonal nga mga katungdanan ug abilidad sa pagrepresentar sa mga biktima.
Gisalikway usab nila ang hangyo sa OPCV nga ablihan pag-usab ang proseso sa aplikasyon para sa partisipasyon sa mga biktima tungod kay kini makapahinay sa pagdungog sa kaso.
